பாடகர் எஸ்.பி.பி நிலை மிகவும் கவலைக்கிடம்!! அதிர்ச்சியான தகவலை வெளியிட்ட மருத்துவமனை…

பிரபல பின்னணி பாடகரான எஸ்.பி.பாலசுப்ரமணியம் இந்தியாவில் தமிழ், தெலுங்கு, ஹிந்தி, கன்னடம், மலையாளம் என இவர் பாடாத மொழிகளே இல்லை. கடந்த ஆகஸ்ட் மாதம் 5ம் தேதி கொரோனா தொற்று காரணமாக தனியார் மருத்துவமனையில் சிகிச்சை பெற்று வந்த நிலையில் 14ம் தேதி மிகவும் மோசமடைந்தது. பின்பு தீவிர சிகிச்சை அளிக்கப்பட்டு, சற்று சகஜ நிலைக்கு திரும்பிய எஸ்பிபி விரைவில் வீடு திரும்புவர் என பிரபலங்கள், ரசிகர்கள் உட்பட ஒட்டுமொத்த மக்களும் எதிர்பார்த்துக் கொண்டிருக்கின்றனர்.

இந்நிலையில் திடீரென்று இன்று (செப்டம்பர் 24) அவருடைய உடல்நிலை மோசமடைந்ததாகவும், கவலைக்கிடமாக உள்ளதாகவும் எம்ஜிஎம் மருத்துவமனை நிர்வாகம் தெரிவித்துள்ளது. எம்ஜிஎம் ஹெல்த்கேர் மருத்துவமனை நிர்வாகம் வெளியிட்டுள்ள அறிக்கையில், ஆகஸ்ட் 5ம் தேதி அன்று எம்ஜிஎம் ஹெல்த்கேரில் அனுமதிக்கப்பட்ட எஸ்.பி.பாலசுப்பிரமணியம் எக்மோ உள்ளிட்ட மற்ற உயிர் காக்கும் கருவிகளின் உதவியுடன் இருந்து வருகிறார். கடந்த 24 மணி நேரத்தில் அவரது உடல்நிலை மோசமாகியுள்ளது.

இதனால் அவருக்கு உயிர் காக்கும் அதிகபட்ச மருத்துவ சிகிச்சை அளிக்கப்பட்டு வருகிறது. அவரது நிலை மிகவும் கவலைக்கிடமாக உள்ளது என்றும் தீவிரமாக கண்காணித்து வருவதாகவும் அறிக்கையில் கூறப்பட்டுள்ளது. மீண்டும் எஸ்பிபியின் உடல்நிலை மோசமடைந்ததால் அவருடைய ரசிகர்கள், திரையுலகினர் உள்ளிட்ட பலர் அவர் பூரண நலம்பெற வேண்டி பிரார்த்தனைகளைத் தொடங்கியுள்ளனர்.

Leave a Reply

Your email address will not be published. Required fields are marked *